السيسي: زنقت نفسي وزنقت البلد عشان نعمل دولة.. واللي اتعمل في 200 سنة بعمله في 3 سنين| بث مباشر
تفقد الرئيس عبد الفتاح السيسي، رئيس الجمهورية، مشروع مستقبل مصر للتنمية المستدامة على هامش افتتاح المرحلة الأولى من الصوامع وموسم الحصاد 2024.
افتتاح المرحلة الأولى من موسم الحصاد في مشروع مستقبل مصر
وقال الرئيس السيسي: مشروع مستقبل مصر يقام في 4 محافظات كبار.. واللي اتعمل في 200 سنة بعمله في 3 سنين.. وأنا زنقت نفسي وزنقت البلد بس معنديش خيارات تانية عشان نعمل دولة.
وتابع السيسي: تحدي الدولار ما زال موجود.. وإذا كنتوا عاوزين تجاوزا مشكلة الدولار في مصر يبقى لازم تخلوا المنتج المحلي ضخم جدًا عشان يغطي المطلب بتاع البلد.. ولو فيه فرصة إنك تصدر برة يبقى تصدر سواء كان إنتاج زراعي أو صناعي.
واستطرد الرئيس عبد الفتاح السيسي خلال افتتاح المرحلة الأولى من موسم الحصاد في مشروع مستقبل مصر للتنمية المستدامة: في كتير قالوا إن الحكومة والرئيس السيسي دايمًا بيحب يعمل كل حاجة زيادة عن اللزوم شوية.. يعني قالك شوف المسجد بتاع السيدة زينب والحسين، طب ما اه طبعًا هو لما أرفع كفاءة مسجد يبقى أدهنه من برا كده وخلاص؟ لا ده بيت ربنا ميتعملش إلا صح.. عشان كده لما نيجي نعمل حاجة بتاعتنا بنحاول نعمل أقصى ما يمكن وتكون أقل تكلفة وأقصى وقت.
