الضحية الثانية في حادث دهس عباس أبو الحسن: كان ماشي بسرعة.. ورافض يدفعلنا حساب المستشفى| بث مباشر

قالت الحاجة منال، المصابة الأولى في حادث دهس الفنان عباس أبو الحسن، إنها تسير من هذا الطريق منذ عام ونصف العام، مضيفة: بنفضل واقفين لحد ما العربيات تهدى خالص وبعدين نعدي.. عديت 3 حارات وكنت بعدي في الحارة الرابعة.. كان فيه مطب قبل ما أعدي لكن العربية جت بسرعة.

وأضافت المصابة في حادث دهس الفنان عباس أبو الحسن: كل اللي لمحته إن فيه عربية جايه تجري بسرعة وملحقتش أعمل حاجة.. وأنا حاليا في المستشفى مش في البيت، والفنان عباس أبو الحسن مش بيدفعلي فلوس، ومدفعش حساب المستشفى ولا حاجة.

وأكملت المصابة في حادث دهس الفنان عباس أبو الحسن: عندي شرخ في الحوض وكسور في الجمجمة وضلوع الصدر والفك وكسور في رجلي، والجنب اليمين عندي تقريبا اتشلّ لأنه كل إصابات.

وواصلت المصابة في حادث دهس الفنان عباس أبو الحسن تصريحاتها، قائلة: إحنا مقطعناش عليه الطريق وبنعدي من الطريق ده على طول، وكل الناس بتعدي منه، لكن العربية كانت جايه بسرعة كبيرة جدا، ومشوفناش الفنان عباس أبو الحسن من وقت الحادث ورافض يدفعلنا باقي حساب المستشفى وبنرن عليه مش بيرد.. وبقول للفنان عباس أبو الحسن إحنا ناس غلابة لي عملت فينا كدا؟