فكهاني بالهرم يهب الخضراوات والفاكهة بالمجان لجميع مرضى السرطان: وفاة أبويا أثرت فيا| بث مباشر

قرر الشاب عمر مختار، والذي يمتلك محلا لبيع الخضراوات والفاكهة بمنطقة الهرم بمحافظة الجيزة، إطلاق مبادرة لتوفير المنتجات من الخضر والفاكهة بالمجان لمرضى السرطان.

تاجر يوفر الفاكهة بالمجان لمرضى السرطان 

وقال عمر المختار، إنه بدأ التفكير في المبادرة بعد وفاة والده تكريما له خاصة وأنه ظل طوال أعوام قبل وفاته يعاني من مرض السرطان، مؤكدا أن المبادرة بدأها منذ 3 سنوات.

وأضاف: بدأت المبادرة دي من 3 سنين.. بعد معاناة والدي مع مرض السرطان.. وفاة والدي بالمرض دا أثر في حياتي.. وقررت أساعد المرضي، عرفت إن الدنيا لازم يكون فيها خير وهعمل إيه بالفلوس، بعض الناس شجعتني في المنطقة، وبعضهم شايف إني بعمله رياء.

وأوضح أن عشرات المرضى يتوافدون عليه بشكل دوري للحصول على كافة الخضروات والفاكهة التي يتاجونها دون أي حرج لهم، مؤكدا أنه حرص على خدمتهم طوال سنوات.

وتابع: أي مريض بييجي وبياخد الفاكهة والخضراوات اللي هو عاوزها بالمجان.. بنصح أي حد يبدأ ويتاجر مع ربنا ويساعد بالخير لأن دا اللي هيقعد ليك.. مش بفكر إن كان اللي جاي طمعان أو مش كويس لأنه قرار بالتجارة مع ربنا.