دفاع أسرة ضحية دهس عصام صاصا: زوجته قالتلي هتنازل عشان جوزي يرتاح في تربته| بث مباشر

تقدمت أرملة أحمد مفتاح ضحية الدهس من مطرب المهرجانات عصام صاصا أعلى الدائري، بطلب تنازل عن القضية، أمام هيئة محكمة جنايات الجيزة في أولى جلسات محاكمته.

محامي أسرة ضحية دهس عصام صاصا يروي تفاصيل التنازل 

وقال محامي أسرة ضحية دهس عصام صاصا، إن أرملة المتوفي اليوم تنازلت عن القضية بعد تصالح الطرفين، قائلًا: الناس تصالحوا وشافوا أن الصلح خير وحطوا نفسهم مكانهم لأن لحزن واحد الأم المكلومة على أبنها المحبوس زي الأم اللي أبنها توفى.

وأشار دفاع أسرة ضحية دهس عصام صاصا، إلى أن التصالح تم بين أسرة المجني عليه وبين مطرب المهرجانات عصام صاصا بدون تعويض مادي.

ونوه دفاع أسرة ضحية دهس عصام صاصا، إن مطرب المهرجانات عصام صاصا وأسرته سيتوجهون لمحافظة الفيوم لتقديم واجب العزاء لأسرة الضحية بمراسم وعادات معينة، قائلًا: عصام صاصا وأسرته هيشرفونا في الفيوم وهيقدموا واجب العزاء لأسرة المتوفي بمراسم معينة وتقاليد تم الإتفاق عليها في يوم الأربعين لوفاة الضحية وربما هذا الاتفاق اللي خلى أسرة المتوفي أتنازلت.. وبعد الأربعين عصام صاصا هيروح يقدم لهم العزاء.

وأضاف دفاع ضحية دهس عصام صاصا: زوجة الضحية قالتلي نصًا: أنا هتصالح عشان جوزي يرتاح في تربته.. وشافت إن التصالح ده من مصلحة زوجها.