مش مستوعب موته.. صديق أحمد رفعت: كان فرحان إنه بدأ يرجع لحياته الطبيعية | بث مباشر
كشف علي العمري، صديق الراحل أحمد رفعت لاعب نادي مودرن سبورت، تفاصيل آخر حديث جمعه معه قبل وفاته أمس بشكل مفاجئ، نتيجة تدهور حالته الصحية بشكل حاد ونقله إلى أحد المستشفيات.
وفاة أحمد رفعت
وقال صديق أحمد رفعت إن هناك حالة كبيرة من الحزن تسيطر على أهالي قرية إبشان التابعة لمركز بيلا في محافظة كفر الشيخ، حيث مسقط رأس اللاعب الراحل، وذلك لأنه وفاته كانت بمثابة فاجعة للجميع.
وتابع: أحمد مكنش أخويا وصاحبي أنا بس لأ بالعكس ده كان أخ لكل أهالي قريته.. وكلنا كنا بندعيله بعد ما تعافى ولما زار زمايله في النادي وظهر في برنامج من قريب كنا مبسوطين بيه.. وهو كمان كان فرحان جدًا إنه بدأ يرجع لحياته الطبيعية تاني بعد الوعكة الصحية اللي تعرض له.
وأضاف صديق أحمد رفعت أنه لا يستطيع أن يستوعب وفاته حتى الآن، حيث يشعر بأنه لا زال على قيد الحياة وأنه موجود حولهم، قائلًا: مش قادر أصدق إن أحمد مات وإني مش هشوفه تاني.. وحاسس إنه لسه موجود معانا لأننا عمرنا ما هننساه.
وأوضح أن آخر مكالمة هاتفية جمعته مع اللاعب أحمد رفعت من أجل الاطمئنان عليه شعر من خلالها بأن هناك حالة من الحزن التي تسيطر عليه، قائلًا: لما كلمته حسيت بحزن في صوته وإن مش ده أحمد اللي أنا عارفه من سنين.
