حسام حبيب: عائلتي ساءت سمعتها باللي شرين بتعمله.. ومكنتش بدافع عن نفسي عشان متطلعش كدابة|بث مباشر
علق المطرب حسام حبيب على أزمته الأخيرة مع طليقته شيرين عبد الوهاب قائلًا: أنا في صدمة مش مجمع اللي بيحصل، وعارف أن الناس واخدة عني فكرة مش حقيقية لأني مطلعتش دافعت عن نفسي ولا مرة، وكنت منتظر منها تطلع تقول.. ولما طلعت أتكلمت قالت حسام عمره ما عملي حاجة ولا أخد مني حاجة وأنا مقولتش أنه سرق.. ولكن الكلام دة مش حقيقي هي قالت أن أنا سرقت على الهواء قدام الناس كلها.
حسام حبيب يكشف تفاصيل أزمته الأخيرة مع شيرين
وأضاف حبيب في تصريحات خاصة لـ القاهرة 24: كانت لسه من كام يوم بتقول أن حسام ده أهلي وضهري وسندي وكل الكلام دة.. وأنا بتكلم دلوقتي وقلبي بيتقطع لأني محبش أبدا أني أتكلم عن شيرين كدة وعايزها تفضل غلاوتها عندي زي ما هي ومكانتها زي ما هي لكني للأسف مضطر أدافع عن نفسي عشان أنا وراية أهل وعيلة ساءت سمعتهم بسبب اللي شيرين بتعمله.
وأستكمل حسام حبيب: وكنت منتظر منها في يوم من الأيام أنها تديهم حقهم وتديني حقي لأن عيلتنا فيها بنات ورجالة محترمة ومينفعش أبقي أنا في موقف أني أجبلهم الكلام.. ومع ذل سكت وعمري ما دافعت عن نفسي.. ودة لغلاوتها عندي.. وياما قالتلي أطلع أتكلم كنت بقولها لا أنا مقبلش أن أنتي تطلعي كدابة.
وقال حسام حبيب: مكنتش أتخيل أن الموضوع مبقاش أنا طرف في وتكون خناقة بينها وبين بنتها وعشان حوشتها عن بنتها لأنها عملت في بنتها حاجة لما الناس هتعرفها أعتقد أن شيرين هتنتهي عند الناس لأن اللي يهون عليه ضناه يهون عليه أي حاجة في الدنيا.. وأنا لما شوفت المنظر ده كان لازم أشيل هنا من تحتها وكان لازم أتصرف.. واتصلت بأبوها وقولتله تعالي خد البنت وأبعدها عن الشخصية دي.
