بعد أزمتها الأخيرة مع حسام حبيب.. نقل الفنانة شيرين عبد الوهاب للمستشفى إثر تعرضها لوعكة صحية| بث مباشر

تعرضت الفنانة شيرين عبد الوهاب لوعكة صحية، بعد أزمته الأخيرة مع طليقها حساب حبيب، نُقلت على إثرها للمستشفى.

نقل الفنانة شيرين عبد الوهاب للمستشفى إثر تعرضها لوعكة صحية 

ونشر محمد شقيق شيرين عبد الوهاب بوست له على حسابه الخاص فيس بوك وقال: اطمنوا هي بخير في أمان وادعولها تبقى قوية وتعدي وتنسى كل ده وترجع تاني أحسن من الأول.

وكان خرج المطرب حسام حبيب عن صمته، وكشف في تصريحات لـ القاهرة 24، تفاصيل أزمته الأخيرة مع طليقته شيرين عبد الوهاب، وأكد على تضرر أسرته من خلافاته مع الفنانة شيرين عبد الوهاب.

وقال حسام حبيب: الناس واخدة عني فكرة مش حقيقية لأني مطلعتش دافعت عن نفسي ولا مرة، وكنت منتظر منها تطلع تقول.. ولما طلعت قالت حسام عمره ما عملي حاجة ولا أخد مني حاجة وأنا مقولتش إنه سرق.. ولكن الكلام ده مش حقيقي هي قالت إن أنا سرقت على الهواء قدام الناس كلها.

وأضاف المطرب حسام حبيب: أنا بتكلم دلوقتي وقلبي بيتقطع لأني محبش أبدا أتكلم عن شيرين كدة وعايزها تفضل غلاوتها عندي زي ما هي ومكانتها زي ما هي، لكني للأسف مضطر أدافع عن نفسي عشان أنا ورايا أهل وعيلة ساءت سمعتهم بسبب اللي شيرين بتعمله.

وعن أزمته الأخيرة مع الفنانة شيرين عبد الوهاب، أكد حبيب أنه لم يكن طرفا في الخلاف الأخير بينه وبين طليقته وأنها كانت في مشاجرة مع ابنتها وأنه تدخل لفض تلك المشاجرة، حيث قال: الخناقة كانت بينها وبين بنتها هنا، وأنا لما شوفت المنظر ده كان لازم أشيل هنا من تحتها وكان لازم أتصرف.. واتصلت بأبوها وقولتله تعالي خد البنت وابعدها عن الشخصية دي.