أحمد مرتضى منصور في عزاء أحمد رفعت: موته درس كبير من ربنا.. ولازم الدوري يتلغي السنادي | بث مباشر
بدأ منذ قليل، عزاء أحمد رفعت لاعب مودرن سبورت ومنتخب مصر، والذي يقيمه مرتضى منصور رئيس نادي الزمالك السابق، في مسجد الحامدية الشاذلية بمنطقة المهندسين في الجيزة.
عزاء أحمد رفعت
وقال أحمد مرتضى منصور: دي حاجة بسيطة نقدمها لـ صديق شخصي ولاعب مهم وهو أحمد رفعت.. واللي بنعمله ده وفاء لأحمد ولعلاقته بـ نادي الزمالك وحتى بعلاقته بـ مرتضى منصور لأنه كان قريب منه.. وياريت الناس كلها تدعيله بالرحمة.
وأضاف أن اللاعب أحمد رفعت عاد من الموت واستعاد صحته لفترة حتى يتحدث عما حدث معه قبل أن يتعرض لأزمته الصحية، قائلًا: أحمد رجع عشان يتكلم وبعدين مات تاني.. ودي حاجة مش بتحصل لأي إنسان إلا إذا كان ربنا بيحبه.
كما أوضح أحمد مرتضى منصور أن الجميع تأثر بوفاة اللاعب أحمد رفعت، لافتًا إلى أن هناك الكثيرين الذين تأثروا لحظة سقوطه في الملعب خلال مباراة الاتحاد السكندري، إلا أن التأثير كان أكبر عندما تفاجأوا بوفاته.
واستكمل: أعتقد ده درس من عند ربنا لينا كلنا إن الدنيا دي مش باقية.. وإن إحنا كلنا محتاجين نراجع كلنا لأن مافيش حد مش بيغلط.. وكمان نخلي الخلافات أقل ونتقي ربنا.
وأشار أحمد مرتضى منصور إلى أنه لا يستطيع أن يحكم على ما حدث مع اللاعب أحمد رفعت قبل وفاته حتى لا يسبق الأحداث، موضحًا أنه لا بد من إلغاء الدوري هذا الموسم حتى ينال اللاعبين قسطًا من الراحة، ثم العودة في الموسم الجديد.
