والدة جنة بعد انسحاب شهد من أولمبياد باريس: تقعد في بيتها 5 سنين عشان تبقى عبرة لغيرها|بث مباشر
أعلنت شهد سعيد، لاعبة منتخب الدراجات، عن اعتزالها لعب الدراجات وعدم سفرها للمشاركة في أولمبياد باريس 24، التي ستقام في شهر أغسطس المقبل.
انسحاب شهد سعيد من المشاركة في أولمبياد باريس
وكشفت والدة اللاعبة جنة عليوة، في تصريحات لـ القاهرة 24، إن عدم مشاركة اللاعبة شهد في أولمبياد باريس لا يضيف لهم شيء في واقعة ابنتها، قائلة: أنا كـ أم شايفة إنها تتشطب وتعد 4 أو 5 سنين متلعبش رياضة خالص عشان تكون مثال لكل حد يفكر يعمل كدة.
وأضافت والدة اللاعبة جنة: شهد بقالها شهرين ونص عايشة حياتها عادي وبتتمرن ومختفية ومهمهاش البنت اللي بتتعالج بسببها.. ومامتها وباباها مظهروش غير لما عرفوا أنها مش رايحة الأولمبياد.. وأنا بقالي شهرين ونص مع بنتي ما بين عايزاها تاخد حقه وما بين علاجها وعملية عملتها وما بين جلسات علاج وامتحاناتها في الجامعة.
وأردفت والدة جنة عليوة: بنتي بقالها شهرين ونص مرمية وإنتي يا شهد ولا همك البنت اللي بتتعالج بقالها شهرين ونص وإنتي السبب في دا.
وأكدت والدة جنة عليوة، أن اللاعبة جنة لم تحاول الاعتذار عن الواقعة من قبل إلا بعد صدور القرار بالتحقيق في الأمر، قائلة: محاولتش تعتذر إلا لما طلع القرار بالتحقيق في الأمر.
