والدة صاحبة فيديو رقص حفل التخرج بالإسماعيلية: بنتي متربية والناس بتحلف بأدبها | فيديو
أثارت الطالبة فرح سعيد، حالة كبيرة من الجدل عبر مواقع التواصل الاجتماعي في الفترة الأخيرة، بعد تداول مقطع فيديو لها ظهرت فيه وهي ترقص خلال حفل تخرجها ضمن طلاب تمريض في أكاديمية قناة السويس للعلوم المتطورة في الإسماعيلية.
رقص طالبة في حفل تخرج
وسيطرت حالة من الغضب على والدة الطالبة فرح سعيد بعد متابعة تعليقات رواد السوشيال ميديا وهجومهم على ابنتها، حيث قالت: إحنا ملناش في التيك توك ولا الكلام ده، وأنا اتفاجأت لما عرفت إن فيديو بنتي في الحفلة نزل وشوفت عليها كلام يزعل.
وأضافت، أنها حضرت مع ابنتها حفل تخرجها وكانت تشعر بسعادة وفخر كبير، قائلة: كنت رايحة احتفل ببنتي وفرحانة بفرحتها لأنها اتخرجت وطلعت الأولى على الدفعة.. وبنتي طول عمرها في حالها، وعمرها ما كانت بتضحك ولا بتهزر والناس كلها بتحلف بأدبها.
وواصلت والدة الطالبة فرح سعيد: إزاي أشوف تعليقات بكلام خارج عن بنتي ومحدش يرضيه على نفسه.. كسروا قلبي بفرحتي لبنتي اللي طول عمرها مؤدبة وأنا مربياها كويس.
كما أوضحت أنها لم تكن على علم بأنه سيتم نشر فيديوهات من حفل تخرج ابنتها على مواقع التواصل الاجتماعي، مختتمة: الفيديو اتنشر وإحنا منعرفش وبنتي مكانتش الوحيدة اللي بترقص.. وكان معاها بنات كتير في الحفلة ومينفعش الكلام اللي اتقال عليها.
