مات بسبب 20 جنيه.. أم تُطالب بالقصاص لنجلها في أولى جلسات محاكمة قاتله بالشرقية| بث مباشر

طالبت والدة الشاب حسن، المقتول على يد أحد البلطجية بالشرقية، بسبب 20 جنيها، القصاص لنجلها في أولى جلسات محاكمة قاتله.

أم تُطالب بالقصاص لنجلها في أولى جلسات محاكمة قاتله بالشرقية

ومن جانبه، كشف زوج شقيقة المجني عليه تفاصيل الواقعة، حيث قال إن نجلها قابله أحد الأشخاص في الشارع وطلب منه أن يعطيه 20 جنيها وشقيقه رفض، مضيفا: تربص له بعدها بـ 15 يوم واستناه لما نزل مع أصحابه ياكلوا أندومي، راح المكان وندهله بره، أول ما خرج لقى الخنجر في قلبه، بدون أي كلام، ومات في الحال.

وتابعت والدة الشاب حسن أن نجلها كان الأصغر سنا في أشقائه، لكنه على الرغم من صغر سنه كان يكافح معها لتربية أشقائه، مضيفة: مفيش حد مبيحبش حسن ومش بيشهد له بحسن السمعة والأخلاق، وكل حياته كان نفسه يبقى جنب أخواته ويجيب لهم اللي هما عاوزينه.

وانهارت والدة الشاب المجني عليه: كنت أتمنى أشوفه عريس وأفرح بيه لكن ملحقتش، أنا عايزة القصاص العادل هو دا اللي هيبرد قلوبنا.