بعد وفاتها بعامين.. والد ضحية السقوط بأسانسير في الإسكندرية: مش هسيب حقها | بث مباشر
لا يزال الحزن يسكن قلب مراد مرقص على وفاة ابنته ندى، والتي لقيت مصرعها منذ عامين بعد سقوطها في بئر أسانسير من الطابق الحادي عشر، داخل أحد العقارات في محافظة الإسكندرية.
وفاة طالبة سقطت في بئر أسانسير بالإسكندرية
وقال والد الطالبة ندى مراد، إن الحادث يعود إلى يوم 20 سبتمبر 2022، حينما اختفت لعدة ساعات بعد خروجها من المنزل من أجل الذهاب إلى العمل، لافتًا إلى أن والدتها حاولت أن تتصل بها أكثر من مرة، ولكنها لم تجيب على جميع مكالمتها.
وواصل: بنتي اختفت وفضلنا نكلمها أنا ووالدتها على الموبايل وللأسف مكانتش بترد، وساعات كان بيدينا إن الموبايل مغلق.. ولما والدتها قلقت عليها راحت الشركة اللي بتشتغل فيها واتصدمت لما عرفت إنها ما راحتش أصلًا.
وأردف والد الطالبة ندى مراد، أنه ظل يبحث عن ابنته وتوجه إلى عدد من المستشفيات ولكن لم يتمكن من الوصول إليها، لافتًا إلى أنه اتجه لتحرير محضر بتغيبها في قسم الشرطة.
واستكمل: لجأنا لتفريغ كاميرا مراقبة بجوار العمارة اللي ساكنين فيها.. وللأسف اكتشفنا إن بنتي أصلًا مخرجتش من العمارة في الوقت اللي نزلت فيه.. ودي كانت كارثة كبيرة وبدأنا نحاول نوصل ليها راحت فين.
وأوضح والد الطالبة ندى مراد، أن حارس العقار أبلغ قوات الأمن أنه سمع صوتًا قويًا لسقوط شيء ما، وذلك كان في تمام الساعة السادسة مساءً تقريبًا، وعلى الفور تم فحص أسانسير العقار وتبين وجود كمية كبيرة من الدماء بشكل ملحوظ.
وأردف: حارس العقار كان بيدور معانا على بنتي ومقالش إنه سمع صوت حاجة وقعت غير وقت صلاة الفجر، وبنتي كانت واقعة من الساعة 6 في بئر الأسانسير.. بنتي طلعت موجودة في العمارة بعد ما الأسانسير وقع بيها لما كانت نازلة الشغل.
وأشار والد الطالبة ندى مراد، إلى أنه اكتشف بعد ذلك أن حارس العقار كان موجودا رفقة فرد الأمن داخل الأسانسير وقت وقوع الحادث، إذ شاهده أحد سكان العقار، مضيفًا: حارس العمارة كان موجود في الأسانسير وقت الحادثة وكان فاصل الكهرباء عنه.. وعرفت إنه طلع لجاري وطلب منه ميقولش إنه شافه في الأسانسير.. أخفى اللي حصل وتلاعب بينا وكان بيدور على بنتي معانا وهو كان عارف كل حاجة وسرق الموبايل بتاعها.. واتخذنا الإجراءات القانونية والقضية اتحولت للطب الشرعي.. وأنا عمري ما هسيب حق بنتي اللي ضاعت مني في غمضة عين.
