مرات ابنها ضربتها.. الحاجة حنان بعد فيديو السحل بالشرقية: استغلت إن ابني مغترب وضربتني وقطعت شعري | بث مباشر

شهدت محافظة الشرقية، خلال الساعات الماضية، واقعة مؤسفة لسيدة تضرب والدة زوجها وتسحلها، مستغلة غياب زوجها المغترب للعمل بإحدى الدول العربية.

وقالت الحاجة حنان، إن الواقعة كانت يوم الجمعة الماضية، وإنها فوجئت بزوجة ابنها تحاول افتعال المشاكل معها وأن أمها تساعدها في ذلك، مضيفة أن نجلها مسافر وأن بناتها متزوجات وهي تعيش بالمنزل هي وزوجة ابنها فقط.

وتابعت الحاجة حنان أن أهل زوجة ابنها هم من يشجعونها على المشاكل، مضيفة: بتروح عندهم وبتيجي تاني يوم متغيرة، وبيقوموها عليا، وبتتهمني إني بجوعها، وبطلب فلوس كتير بدون داعي.. لما لقيتها كدا قولتلها أنا هكلم ابني النهاردة وتقعدي لوحدك في شقتك وأنا لوحدي، فجأة لقيتها قامت عليا سحلتني وضربنتي، وقطعت لي شعري.. أنا كنت قادرة أوقفها لكن من الذهول والصدمة مكنتش عارفة أعمل حاجة، وأمها كانت موجودة لكن مش عارفة تحوش.

وأضافت الحاجة حنان أن زوجة ابنها دائما ما تفتعل المشاكل معها، وأن الأسبوع الماضي أيضا افتعلت معها مشكلة فذهبت على إثرها إلى المستشفى وتدهورت حالتها الصحية، مضيفة: مش بعرف ابني أي حاجة من اللي هي بتعملها، لكن أنا تعبت أنا عايزة أعيش مرتاحة وهي بتعمل مشاكل كتير.. أنا مطلقة بقالي 20 سنة وشقيت وتعبت علشان أربي ولادي وعايزة أرتاح.