بعد وفاتها في حادث سير.. والدة اللاعبة شهد مصطفى: كانت حنينة عليا وبقيت يتيمة بعد فراقها| بث مباشر
تستقبل أسرة شهد مصطفى، لاعبة كرة القدم النسائية، واجب العزاء في وفاتها بمسقط رأسها في محافظة السويس، بعد أن لقيت مصرعها إثر اصطدام سيارة بها على طريق السويس - القاهرة، إذ تم نقلها إلى المستشفى إلا أنها فارقت الحياة.
عزاء اللاعبة شهد مصطفى في السويس
وحرصت الدكتورة دينا الرفاعي، عضو مجلس الاتحاد المصري لكرة القدم والمشرف العام على الكرة النسائية، على تقديم واجب العزاء لأسرتها.
وقالت الدكتورة دينا الرفاعي: شهد دي بنتنا وربنا يرحمها برحمته ويصبر ذويها وأهلها على فراقها.. وده واجب عليا ودورنا إننا نراعي بعض.. وشهد كانت لاعبة كرة قدم مصرية بتجري ورا حلمها.
وفي ذات السياق، سيطرت حالة من الحزن على والدة اللاعبة شهد مصطفى، وذلك خلال تلقيها واجب العزاء في وفاتها بمحافظة السويس، معلقة: احتسبتها عند ربنا ودي أمانة وراحت للي خلقها.
وتابعت: جنازة شهد النهاردة كانت زفة وربنا سهل لها كل حاجة عشان هي كانت حاجة حلوة.. هي اسمها شهد وكل حاجة فيها شهد.. ماتت وهي عندها 22 سنة وطول السنين دي عمري ما شوفت فيها حاجة وحشة ولا عملت غلطة.. والنهاردة حسيت إن هي اللي أمي مش بنتي.. كانت حنينة عليا وحاسة إني بقيت يتيمة من بعدها.
