انهيار زوجة سائق تاكسي بكفر الشيخ: قتلوه غدر بسبب تليفون.. وسابلي 6 عيال أربيهم| بث مباشر

كشفت زوجة صبري، سائق، 30 عاما، المقتول على يد أحد أقاربه بـ كفر الشيخ، تفاصيل مقتله حيث قالت إن بداية الواقعة عندما شدّ المتهم الهاتف المحمول من زوجها فصفعه زوجها، مضيفة: المتهم يقول لزوجي يا خال.

وتابعت زوجة المقتول على يد أحد أقاربه بكفر الشيخ أنه بعد الواقعة بأيام استدرج والد ووالدة المتهم المجني عليه خلال ذهابه إلى عمله، وأخذوه إلى مكان قريب من منزله، ثم فوجئ بالمتهم يطعنه في جنبه غدرا، مضيفة: واحد قاله متروحش معاهم يا صبري قاله دول قرايبي مش هيعملوا فيا حاجة، وكان مش حاطط خيانة.

انهيار زوجة سائق تاكسي بكفر الشيخ

وانهارت زوجة المقتول على يد قريبه بكفر الشيخ: أنا عايزة حقه وعايز حق ولاده الـ 6.. هنروح من بعده فين، إحنا ساكنين بالإيجار، ومعنديش أي حاجة أقدر أبيعها علشان أكل ولادي الستة ومش عارفة أعمل اي.

وأضافت زوجة المجني عليه أنها فوجئت بالخبر من أحد الجيران، وأصيبت بصدمة كبيرة، مضيفة: قلبي محروق عليه أنا وعيالي، آخر كلام بينا كنت طالبة منه طلب قالي هجيبهولك لو آخر فلوس في جيبي.. أنا عايزة حق زوجي.