مرتضى منصور: كنت عارف إن إمام عاشور رايح الأهلي وزعلان عليه| بث مباشر

قال مرتضى منصور، رئيس نادي الزمالك السابق، إنه كان على علم بصفقة انتقال إمام عاشور إلى النادي الأهلي قبل رحيله عن صفوف الأبيض.

مرتضى منصور: كنت عارف إن إمام عاشور رايح الأهلي

وأضاف مرتضى منصور: أنا زعلان على إمام عاشور مش زعلان منه.. وكنت عارف إنه رايح الأهلي وعشان كده سألته في الفيديو اللي اتنشر قبل ما يسيب الزمالك.. وعارف كمان إن كهربا هو اللي واخده.

وأكد مرتضى منصور أن نادي الزمالك يعيش حالة من الفوضى خلال الفترة الحالية، قائلًا: الزمالك في فوضى ومحدش من أعضاء مجلس الإدارة راح يزور أحمد فتوح في محبسه.

واستكمل: ما فيش مجلس إدارة في الزمالك دي لجنة.. وشيكابالا وعبد الواحد راحوا يعزوا ضحية أحمد فتوح بعد 10 أيام من الحادث وده عيب.

وأوضح مرتضى منصور أنه سيحضر الجلسة المقبلة لمحاكمة أحمد فتوح، لاعب نادي الزمالك، على خلفية اتهامه بدهس أحد الأشخاص، وقيادة السيارة تحت تأثير المخدرات.

واستطرد: أنا واقف مع أحمد فتوح كأب قبل ما أكون محامي.. وهو غلط زيه زي أي شاب بيغلط مرة واتنين في سنه.. وإحنا دلوقتي بنسعى للتصالح مع أسرة الضحية.. والخبر اللي بيتقال إنه تم التصالح مع أسرة الضحية مقابل 15 مليون جنيه كاذب وغير صحيح.