أنت مش عارف أنا مين.. تفاصيل تعدي محمد فؤاد على طبيب بمستشفى عين شمس التخصصي| بث مباشر

كشف مدير أعمال الفنان محمد فؤاد، تفاصيل واقعة تعدي المطرب على أحد الأطباء بمستشفى عين شمس التخصصي، والتي حصل القاهرة 24 على مقطع فيديو يوثقها.

وقال مدير أعمال الفنان محمد فؤاد، في تصريحات لـ القاهرة 24: أخوه عنده جلطة والساعة 4 ونص جرينا على مستشفى عين شمس التخصصي، دخلنا على الطوارئ قالوا عنده جلطة في التقرير، وهيركب دعامتين.

تفاصيل تعدي محمد فؤاد على أحد الأطباء في مستشفى عين شمس التخصصي

وتابع مدير أعمال محمد فؤاد: محمد فؤاد بيقول للدكتور هنعمل إيه وبيحكي مع الدكتور، راح بصله من فوق لتحت قاله الحالة إيه مردش عليهّ؟!؟.. ف قاله هتعمل في أخويا إيه انت نايم ولا إيه؟ الدكتور قاله هات الأمن وخرجوا البني آدم ده برا.

وأضاف مدير أعمال محمد فؤاد: الدكتور سحب التليفون من إيد محمد فؤاد، وحصلت المشادة، وخرجنا من المستشفى ورحنا واحدة تانية وعمل العملية، والكلام ده كان الفجر النهاردة، وبكره هنعمل محضر في النيابة بالواقعة كلها.

وكان مصدر كشف لـ القاهرة 24، تفاصيل تعدي محمد فؤاد على طبيب بمستشفى عين شمس التخصصي، حيث قال: محمد فؤاد قال للطبيب "أنت مش عارف أنا مين"، ثم سارع بالاعتداء على الطاقم الطبي بالسب والضرب.