صديقة الباحثة ريم حامد: توفيت في فرنسا بعد عودتها من مصر.. وتعرضت لاضطهاد شديد| بث مباشر

ضجت مواقع التواصل الاجتماعي بنبأ وفاة ريم حامد، الباحثة المصرية التي توفيت بفرنسا في ظروف غامضة، خاصة بعدما نشرت عبر حساباتها الشخصية على مواقع التواصل الاجتماعي تعرضها للتهديد والتجسس عليها.

صديقة الباحثة ريم حامد تكشف تفاصيل جديدة

ومن جانبها قالت صديقة الباحثة ريم حامد، في تصريحات لـ القاهرة 24: علاقتي بريم بدأت من شهر، قابلتها أكتر من مرة في مكان شغل، وكنت بسألها في حاجات محتاجة أعرفها، وفعليا هي اتكلمت إنها بتتعرض لضغط من الدكتور أو الدكتورة المشرفين عليها، وكانوا بيثبطوها علشان متعلاش وتشتغل كويس أعلى منهم.

وواصلت صديقة الباحثة ريم حامد: ريم كانت في إجازة في مصر، ومجرد ما رجعت باريس الحادثة حصلت، وهي مقالتليش إنها بتتعرض لتهديد، بس أما كلمتها عن الضغوط اللي بتعرض لها أنا في شغلي، قالتلي إنها كمان بتتعرض لحاجة زي كدا وفضلت متكلمش عنها.. وعرفت من كلامها إن في ناس كتير هناك بيضطهدوها.

وأضافت صديقة الباحثة ريم حامد: من ضمن القواعد اللي كانت مضايقة ريم هناك إنه لو أنت محجب لازم تشيل الحجاب بتاعك، وحاجات من دي.. وريم كانت حد مساعد جدا وكانت مساعدة جدا في الشهر اللي قابلتها فيه، رغم عدد مقابلاتنا القليل، وريم كانت إيجابية، ومكانتش سلبية أبدا أو عندها طاقة سلبية.

واستكملت صديقة الباحثة ريم حامد: ريم كانت بتتكلم خلال مكالماتها معايا عن الاضطهاد اللي كانت بتتعرض له خلال الماجستر، لكنها تخطتها، لكن في الدكتوراة الموضوع بقى أصعب.