ياسر قنطوش: شيرين أخت وصديقة عزيزة وأنا معاها ومش هتخلى عنها | بث مباشر

قال المستشار القانوني ياسر قنطوش محامي شيرين عبد الوهاب، إن علاقته بالفنانة شيرين عبد الوهاب لا يزال يسودها الحب والاحترام والتقدير على الرغم من تنحيه عن قضاياها.

محامي شيرين عبد الوهاب: أنا معاها ومش هتخلى عنها

وأضاف المحامي ياسر قنطوش: النهايات أخلاق وأنا أخلاقي متسمحليش أسيء لحد كان بيني وبينه عيش وملح، وشيرين أنا على المستوى الشخصي بحبها وبقدرها واستحالة في يوم حد يفكر إني ممكن أسيء لآداب المهنة أو أطلع أي حاجة خاصة بقضايا الفنانة للناس.

وأكد قنطوش أنه مستمر في العمل مع الفنانة شيرين عبد الوهاب ولن يتخلى عنها حتى تجد محامٍ آخر يتولى قضاياها، مضيفًا: أنا معاها ومش هتخلى عنها لحد ما تلاقي حد يمسك القضايا والشغل اللي تعبت فيه.. وأنا كل يوم بعمل شغل لشيرين.. وكانت بتكلمني الساعة 4 و5 الفجر، وكنت برد عليها لأني مؤمن أن المحامي ملك موكله.

واختتم المحامي ياسر قنطوش: شيرين أخت وصديقة عزيزة على قلبي، ولكن أنا أمام اختيارين اسمي ومهنتي اللي بقالي 30 سنة ببني فيها ومرة واحدة في مصر والوطن العربي يتقال محامي شيرين بيتكلم غلط.. أنا مكنتش بسيب حد يقول كلمة عليها وكان أي حد بيقول لفظ مسيئ ليها كنت فورًا باخد إجراء.