استغاثة شقيقة ضحية الإهمال الطبي داخل مستشفى بالدقهلية: قفلوا عليه الأوضة وسابوه لحد ما مات | بث مباشر
استغاثت سيدة بعد وفاة شقيقها داخل أحد المستشفيات في محافظة الدقهلية؛ وذلك نتيجة تعرضه للإهمال الطبي من قبل الأطباء وطاقم التمريض بعد تركه في الغرفة وحيدًا دون المرور عليه والاطمئنان على حالته، حتى لفظ أنفاسه الأخيرة وفارق الحياة.
استغاثة سيدة بسبب الإهمال الطبي
وقالت شقيقة المجني عليه، إن شقيقها شعر بحالة من التعب نتيجة ارتفاع نسبة السكر لديه، وعلى الفور تم نقله إلى مستشفى المطرية من أجل تقديم الرعاية الطبية اللازمة له.
وتابعت: نقلنا أخويا المستشفى عشان السكر علي عليه وحجزوه في أوضة وقالوا مينفعش يبقى فيه مرافقين ومشونا.. وكنا على طول بنتصل بيه على الموبايل عشان نطمن عليه لحد ما فضلنا نكلمه في مرة طول اليوم مكنش بيرد علينا نهائي.
وأضافت شقيقة المجني عليه أنها ذهبت للمستشفى على الفور من أجل الاطمئنان على شقيقها، وفور وصولها توجهت إلى غرفته إلا أنها وجدتها مغلقة وأخبرتها إحدى الممرضات أنها لا تعلم بحالته.
واستكملت: روحت لقيت أوضة أخويا اللي كان محجوز فيها مقفولة.. وسألت الممرضة وقولتلها اسمه قالتلي أنا معنديش الحالة دي ومافيش حد في الأوضة.. وبعدها جبنا المفاتيح وكان فيهم مفتاح مكسور ومكناش عارفين نفتح الأوضة.
وأوضحت شقيقة المجني عليه أنها ظلت تبحث عن شقيقها داخل المستشفى إلى أن تم فتح باب الغرفة التي كان محجوزًا بها، لتجده ملقى على الأرض قد فارق الحياة وعلى وجهه دماء.
وأردفت: سابوا أخويا في الأوضة مسألوش فيه أكتر من يوم لحد ما مات.. إيه ذنبه شاب زي ده يموت فين الممرضين والدكاترة ازاي محدش يمر عليه ويتابع حالته.
