بعد إحالة إمام عاشور للمحاكمة.. فرد الأمن صاحب واقعة الضرب: النيابة نصفتنا وإن شاء الله القضاء ينصفنا | بث مباشر

قال عبد الله، فرد الأمن ضحية تعدي لاعب النادي الأهلي إمام عاشور عليه، بعد إحالة اللاعب للمحاكمة، إن هذا القرار منتظر وإن النيابة العامة نصفتنا وإن شاء الله المحكمة ستنصفنا أيضا.

إحالة إمام عاشور للمحاكمة في واقعة ضرب فرد أمن

وتابع فرد الأمن ضحية الضرب على يد اللاعب إمام عاشور: كل الواقعة موثقة بالفيديوهات، وإمام عاشور جه الساعة 7 صباحا عشان ينقذ زوجته من واقعة المعاكسة اللي تعرضت لها الساعة 4 الفجر، وواقعة المعاكسة كلها غير منطقية بالمرة حسب الروايات المتداولة.

وأضاف فرد الأمن: بعض المواقع قالت إنه تم منع إمام عاشور من الدخول لكن هو دخل لحد البارك جوه بكل سهولة، وتوجه ناحيتي ولسه بقوله في إي يا كابتن بس علشان أفهم، لقيته تعدى عليا بالسباب والضرب زي ما ظهر في الفيديو، والكاميرات موثقة كل حاجة.. كل غلطتي إني قولتله نفهم في إي بس يا كابتن، وبمارس عملي بشكل طبيعي، لقيته تعدى عليا.

واستكمل فرد الأمن صاحب واقعة الضرب على يد إمام عاشور: من وقت الواقعة وأنا مبقاش ليا علاقة بالمول وتم استبعادي من الموقع ومعرفش لي.. وأنا دلوقتي بمارس مهنة المحاماة ومش هسيب حقي.

وأضاف فرد الأمن: إمام عاشور تعدى على ناس ملهومش علاقة بالواقعة علشان مراته اتعاكست وكان المفروض يتحرى من الإدارة الأول، وبقول للناس أنت مش علشان أهلاوي تنحاز لطرف عن التاني.. ومش هقبل أي ضغوط عليا وعمري ما أتنازل عن حقي.