وصول اللاعب أحمد فتوح لحضور ثاني جلسات محاكمته بتهمتي القتل الخطأ والقيادة تحت تأثير مخدر| بث مباشر
تستكمل محكمة جنايات مطروح الدائرة الثانية جنايات، اليوم الاثنين، ثاني جلسات محاكمة المتهم أحمد فتوح لاعب نادي الزمالك بتهمتي التسبب في قتل المجني عليه أحمد السيد بالخطأ والقيادة تحت تأثير المخدرات.
ثاني جلسات محاكمة اللاعب أحمد فتوح
ووصل قبل قليل، اللاعب أحمد فتوح، لاعب نادي الزمالك، إلى محكمة جنايات مطروح لحضور ثاني جلسات محاكمته بتهمتي التسبب في قتل شخص بالخطأ والقيادة تحت تأثير المخدرات.
وكانت أمرت النيابة العامة بإحالة المتهم أحمد محمد أبو الفتوح لاعب نادي الزمالك إلى محكمة الجنايات المختصة؛ لمحاكمته فيما نُسب إليه من إحرازه جوهر الحشيش المخدر بقصد التعاطي، وتسببه خطأ في قتل المجني عليه أحمد السيد، حال قيادته سيارة تحت تأثير ذلك المخدر وبحالة ينجم عنها الخطر.
وفي وقتًا سابق، كشف أحمد حسن فؤاد، أحد أصدقاء اللاعب أحمد أبو الفتوح، وشاهد عيان عن واقعة دهس الساحل، تفاصيل لم تكشف من قبل عن الحادث الذي تسبب في قتل المجني عليه أحمد السيد بالخطأ.
وقال أحمد حسن فؤاد: أنا كنت في قرية هاي سيندا باي بقالي 3 أيام أو أربعة، وامبارح وكابتن فتوح وصبحي كانوا معايا اتفقنا إننا نروح نتعشى بالليل في مطعم في العلمين جنب فندق ريكسوس، وبعد ما اتعشينا ركبنا العربية بتاعة كابتن فتوح، وكنت أنا قاعد ورا في النص، والكابتن محمد صبحي قاعد قدام جنب الكابتن أحمد فتوح، وهو اللي كان سايق.
واستكمل فؤاد: كنا راجعين على قرية هاي سيندا بای ومرة واحدة لقينا واحد بيعدي الطريق، فقلت لكابتن أحمد أبو الفتوح حاسب بصوت عالي، وفجأة خبطة جامدة حصلت، وكابتن فتوح داس فرامل والعربية فضلت ماشية بتحدف شمال.
وأردف: كابتن صبحي نط من العربية، ولقيت فيه جزء من الضحية دخل العربية، وأنا قعدت أصوت لأني كنت فاكر كابتن فتوح هو اللي مات، لغاية لما فتوح هو اللي هداني وبعد كده عرفت إن احنا خبطنا واحد، وإنه مات، وجزء منه دخل جوة العربية وبعد كده رحنا القسم.
