سيدة تحطم باب شقة أرملة طليقها وتطردها في الشارع بالوراق.. والأخيرة: خدوا كل حاجة وبقيت بدون سكن| بث مباشر

استغاثت سيدة في منطقة الوراق بالجيزة من تهجم طليقة زوجها عليها بعد وفاته، وطردها في الشارع والاستيلاء على كل عفشها بالشقة، حتى أصبحت تعيش في الشارع وليس لديها أي مأوى آخر.

استغاثة أرملة بالوراق من طليقة زوجها

وقالت سماح إنها تزوجت منذ 8 سنوات، وبعد وفاة زوجها بشهر جاءت طليقته وأولادها وتهجموا عليها من أجل الاستيلاء على ممتلكاتها بالشقة وأخذ ملابسها، مضيفة: قبل كدا بفترة قطعت عليا الميه ودفعت فلوس كتير جدا علشان أقدر أرجع الميه تاني للشقة، وكان غرضها من دا كله إنها تطفشني من الشقة.

وأضافت سماح أنها مطلقة من زوجها منذ 11 عاما، وليس لها أي علاقة بزوجها، مضيفة: كانت بتبعتلي ستات بطلجية علشان يضربوني ويطفشوني من الشقة.. وزوجي كان موصي حد بفلوسه لكن طليقته اشترته وخلفت كل الوصية، واستولت على كل ممتلكات زوجي والمحلات الخاصة به، والسيولة المالية التي تبلغ مليون ونصف، وغيرها من أملاكه بدون وجه حق.

واستكملت سماح: تعدت عليا هي وأولادها وخرجوني من البيت حافية بعد ما استولت على كل فلوسي وممتلكاتي بالشقة، وكان في جزء من الفلوس من ورث والدي كنت بصرف منه استولوا عليه.. أنا عايزة حقي.