مالك مطعم صبحي كابر الجديد: المعلم حد سخنه علينا وأول مرة يكدب النهاردة.. ومعانا مستندات بكل حاجة| بث مباشر
كشف ممدوح الإمام، المالك الجديد لسلسلة مطاعم صبحي كابر، تفاصيل الصفقة التي تم توقيعها مع صبحي كابر، صاحب محلات كابر الشهيرة لبيع اللحوم والجزارة.
وقال ممدوح الإمام: صبحي أخونا الكبير ومفيش أي حاجة بينا وبينه غير كل خير، حصل إن حد سخنه وزعله، وهو راجل طيب ومش هيرضى باللي بيعمله دلوقتي.. وأنا كنت صاحبه وتاجر عربيات، واداني المكان دا علشان أقرب الناس ليه، وإحنا أصحاب بقالنا 20 سنة، والغلط إن الناس اتدخلت بينا بقالنا أسبوع، والراجل باع المكان كله بالعلامة التجارية بكل حاجة ودا بكل صفو نية.
مالك مطعم صبحي كابر الجديد: الاتفاق بينا كان على ورق
وأضاف ممدوح الإمام: الاتفاق بينا كان على ورق، وكان من ضمن الاتفاق إنه ييجي المحل يومين في الأسبوع يباشر الشغل.. وصبحي كابر قالي إنه عايز يبيع المكان لأنه مبقاش قادر وكبر في السن وبقى عنده 3 أولاد فاتحايل عليا إني أشتريه لحد ما اشتريته.
وتابع المالك الجديد لسلسلة مطاعم صبحي كابر: صبحي كابر مبيعرفش يكدب لكن كل الكلام اللي قاله النهاردة كدب، وهيرجع عن الكلام دا.. وقسما بالله ما اختلفت مع صبحي على شراء المطعم، وقعد شهرين يتحايل عليا وقالي لو مخدتوش أبيعه لحد تاني، وكل الكلام دا موثق في ورق.
