المالك الجديد لمطعم صبحي كابر: جري ورانا عشان نشتري المحل.. وخد فلوسه بتحويلات بنكية| بث مباشر
رد المالك الجديد لسلسلة مطاعم صبحي كابر، على الأنباء المتداولة في الآونة الأخيرة عبر مواقع التواصل الاجتماعي، بشأن وجود مبادرة للصلح مع صبحي كابر بعد الأزمة التي نشبت بينهما وبيع المطعم.
المالك الجديد لمطعم صبحي كابر: مغلطناش معاه وهو اللي جري ورانا عشان نشتري المحل
وقال المالك الجديد لمطعم صبحي كابر إنه كان يوجد مبادرة بالفعل للصلح بين الطرفين إلا أنها لم تكتمل عكس ما كان يتمنى.
وأضاف المالك الجديد لمطعم صبحي كابر: كان فيه مبادرة للصلح مع صبحي كابر وكنا عشمانين إنها تحصل.. السوشيال ميديا اتقلبت علينا وإحنا مغلطناش في حاجة.. اشترينا مطعم صبحي كابر كأي مستثمر بشكل قانوني.. صبحي عرض علينا المبلغ وخد فلوسه بتحويلات بنكية وكان مرضي.. وهو اللي جري ورانا عشان نشتري المحل بحكم الصداقة اللي بينا.. إيه ذنبي إنه خد الفلوس وراح اشترى بيها ذرة واتنصب عليه؟
وأكد المالك الجديد لمطعم صبحي كابر أنه تجمعه علاقة صداقة قوية كبيرة مع صبحي كابر منذ 23 عامًا، إذ يكن له كل الاحترام ويسعى لحل الأزمة فيما بينهما.
واستكمل: صبحي كان أخونا وبقالنا 23 سنة أصحاب وبسعى لحل الأزمة.. كل الكلام اللي قاله غريب ومتناقض وده اللي مزعلني.. وعرفت إنه خد محل جديد بيوضبه في وصلة دهشور طب إيه لازمة الشوشرة اللي عملها؟
كما أشار المالك الجديد لمطعم صبحي كابر إلى أن الإقبال على المطعم لم يقل بعد الأزمة الأخيرة بل هناك إقبالًا ملحوظًا من قبل الزبائن، مختتمًا: الإقبال مقلش على المطعم من وقت الأزمة وده فضل من ربنا علينا.. والمطعم هيفضل مفتوح غصب عن أي حد عشان دي أرزاق وبيوت مفتوحة.
