السيسي: اللي انتوا كنتوا عايشين فيه مش طبيعي.. ومش شرط كل حاجة تبقى الناس فاهماها في وقتها| بث مباشر
قال الرئيس عبد الفتاح السيسي، رئيس الجمهورية، إن الإنفاق الكبير في قطاع النقل كان ضروريًا، مشيرًا إلى أن هذا القطاع كان مهملًا على مدار السنوات الماضية.
افتتاح محطة قطارات بشتيل الجديدة
وأضاف السيسي أن حال السكة الحديد في مصر سواء كان محطات أو خطوط أو وحدات يبين أن هذا القطاع أُهمل خلال السنوات الماضية.
وواصل الرئيس السيسي: إهمال القطاع ده مش عيب في اللي قبل مننا.. ولكن دي كانت الظروف اللي كانت بتمر بيها البلد.. وكان الخيار قدامنا إننا نعملها وتبقى ظروفنا الاقتصادية صعبة ولا منعملهاش.
كما أوضح الرئيس عبد الفتاح السيسي، أن تعايش المصريين مع الحال الذي كانت تمر به البلاد على مدار السنوات الماضية، تصوروا أن هذا هو الطبيعي، قائلًا: اللي انتوا كنتوا عايشين فيه ده مش طبيعي خالص.. وإحنا منعرفش نبقى كمسؤولين أمام الله اللي هيحاسبنا إننا نبقى فاهمين حاجة ومنعملهاش عشان الناس تقول ظلمونا وتعبونا.. بالعكس إحنا نتعب لأجل بكرة ونبني لأجل بكرة.
واستكمل السيسي: مش شرط كل حاجة تبقى الناس فاهماها بأهمية وقتها والقرار اللي بيتاخد ليه.. لكن ساعات ممكن الزمن بعد كده يرد.. وفي النهاية فيه رب عظيم علام حكيم هو اللي هيفصل بين الناس.. وإحنا المسؤولية كبيرة ويا رب نقدر نعدي من اليوم ده في الحساب.
