ميار الببلاوي من المحكمة: بقيت منبوذة أنا وابني بسبب الشيخ محمد أبو بكر.. وأنا صعيدية مش هتنازل عن حقي | بث مباشر
حرصت الإعلامية ميار الببلاوي على حضور جلسة محاكمتها والشيخ محمد أبو بكر، المنعقدة اليوم بالمحكمة الاقتصادية، في قضية تبادل السباب فيما بينهما، فيما غاب الآخر عن الحضور.
وقالت الإعلامية ميار الببلاوي، لـ القاهرة 24، إنها حرصت على الحضور اليوم للمطالبة بحقها، حيث قالت: لن يضيع حق وراءه مطالب، وأنا مقدرش أقعد في بيتي في التكييف واسمي بيتداول في المحاكم، وأنا موقفة حياتي كلها للقضية دي ومش هتنازل عن حقي فيها.
بقيت منبوذة أنا وابني بسبب الشيخ محمد أبو بكر.. وأنا صعيدية ومش هتنازل عن حقي
وقالت ميار الببلاوي: أنا صاحبة حق وليا حق.. الشيخ محمد أبو بكر أجل الاطلاع خوفا من حاجة معينة.. أنا بشكل كل الشيوخ الأفاضل اللي بيحاولوا يقنعوني بالصلح، لكن أنا لو رضيت بالصلح يبقى بعترف إن كلمة من اللي اتقالت عليا دي صح، ودا مش صح.
وتابعت ميار الببلاوي: الشيخ محمد أبو بكر تسبب لي في أضرار كتيرة جدا، كفاية إني منبوذة أنا وابني، مش بحضر مع أهلي عيد ولا رمضان.. أنا سيبت التمثيل وسيبت كل حاجة وارتديت حجابي علشان أربي ابني لي أتلقى الاتهامات دي من داعية إسلامي.. إحنا صعايدة ومش هتنازل عن حقي.
