صاحب المركز الـ 6 في مستر يونيفيرس لكمال الأجسام: كنت محبط جدا.. والكابتن شجعني| بث مباشر

كشف الكابتن محمد ابن محافظة سوهاج، تفاصيل حصوله على المركز السادس في بطولة مستر يونيفيرس الدولية لكمال الأجسام.

وقال محمد: لما روحت للكابتن بتاعي قالي أنت خامة بطل عالمي، وكنت محبط شوية لكن هو إداني ثقة في نفسي وقالي أنت لازم تستمر، ومن بعدها وأنا اشتغلت على نفسي كتير.

وتابع الحاصل على المركز السادس عالميا في بطولة مستر يونيفيرس الدولية لكمال الأجسام، أنه حصل على العديد من الميداليات على مستوى المحافظة والجمهورية حتى وصل إلى بطولة الشرق الأوسط في كمال الأجسام، وحصل على المركز السادس.

واستكمل الشاب محمد: أنا مكنتش متخيل أصلا إني هدخل البطولة دي وإني هحصل فيها على مركز، لكن الحمد لله أنا فرحان جدا.. وأنا مكنتش متخيل إني هدخل البطولة دي لإن جميع حكامها أجانب وهي بطولة قوية، وأول ما طلعت على المسرح الكابتن بتاعي اداني ثقة كبيرة في نفسي، ولولاه مكنتش حققت حاجة.

وقال الكابتن هيثم، مدرب الشاب محمد، إن بطولة يونيفيرس الدولية تعد من أقوى البطولات التي تم إجراؤها في الشرق الأوسط كله، مضيفا: الحمد لله ربنا وفقنا وحصلنا على المركز السادس عالميا.