والدة الداعية إسراء إبراهيم بعد وفاتها بسبب خطأ طبي: جالها تشنجات بعد الولادة وقالتلي أنا بموت | بث مباشر

سيطرت حالة كبيرة من الحزن على أسرة الداعية إسراء إبراهيم، بعد وفاتها نتيجة تعرضها إلى خطأ طبي خلال إجراء عملية ولادة داخل مستشفى شهير.

وفاة الداعية إسراء إبراهيم بسبب خطأ طبي 

وقالت والدة الداعية إسراء إبراهيم إنه تم تحديد موعد ولادة قيصرية لابنتها في المستشفى، وبالفعل ذهبت في الموعد المحدد ودخلت غرفة العمليات في تمام الساعة السادسة إلا ربع مساءً، إلا أنها خرجت بعد مرور ساعتين ونصف.

وأضافت: لما طلعوا إسراء من العمليات كانت كويسة وفايقة وبتضحك معانا ومظهرش عليها حاجة… والدكتور جه شافها وقالت له إنها عندها مغص فقالها ده طبيعي عشان حقنة انقباض الرحم.

وتابعت: قسطرة البول بتاعة بنتي اتملت وقولت للممرضة عشان نفضيها.. فـ الممرضة جت وقالت لي سبيها أنا هعملها ورفضت تخليني أقف معاها.. وفجأة سمعت بنتي بتصرخ دخلت الحمام لقيتها واقعة في الأرض.. جالها تشنجات وبقت ترفص فينا وتقول أنا بموت.

وأوضحت والدة الداعية إسراء إبراهيم أنهم على الفور استدعوا الطبيب ودار حديث حاد بينه وبين الممرضة، قائلة: الدكتور لما جه الممرضة قالت له إنها اديتها 1 سم بس من دوا معين.. فـ زعق ليها وقالها هو إحنا كل شوية تجيلنا حالة كده وتموت! فقولت له يا دكتور بنتي هتعيش؟ قالي الله أعلم ربنا يتولاها.. وبعدين نزلوا بنتي العناية المركزة وبعدها بشوية قالوا لنا إنها ماتت.