المدير الإداري لنادي كفر الشيخ يكشف تفاصيل حالة محمد شوقي: الأمل بسيط وادعوله يقوم بالسلامة | بث مباشر

كشف الكابتن عماد حمدي المدير الإداري لـ نادي كفر الشيخ، آخر تطورات الحالة الصحية للاعب الفريق محمد شوقي، والذي أُصيب بتوقف عضلة القلب وسقوطه على أرضية الملعب خلال مباراة فريق كفر الشيخ ومركز شباب القزازين، ضمن منافسات الدوري الدرجة الثانية.

آخر تطورات الحالة الصحية للاعب محمد شوقي

وقال الكابتن عماد حمدي إن اللاعب محمد شوقي تعرض للسقوط بشكل مفاجئ خلال مباراة الفريق أمام مركز شباب القزازين، وعلى الفور نزل الفريق الطبي لأرضية الملعب من أجل إسعافه، وبعد ذلك تم نقله إلى مستشفى الزرقا المجاورة للملعب.

وأضاف أنه تم التعامل على الفور مع اللاعب محمد شوقي طبيًا فور وصوله إلى المستشفى، إذ كان يشرف على علاجه وإسعافه ما يقرب من 20 طبيب.

وواصل: أول ما وصلنا بـ محمد المستشفى كل الأطباء اتجمعوا عنده عشان يسعفوه وكل اللي قدروا عليه عملوه فعلًا ومقصروش عشان يحاولوا يفوقوه ويرجعوا نبض القلب تاني.

كما أوضح المدير الإداري لنادي كفر الشيخ، أنه تم نقل اللاعب محمد شوقي إلى العناية المركزة داخل مستشفى الزرقا لحين استقرار حالته الصحية.

وتابع: ناس كتير طلعوا وقالوا إن محمد كان بياخد منشطات عشان كده أُصيب بالجلطة وقلبه وقف.. والكلام ده كله مش صح إحنا عملنا له كل التحاليل والفحوصات في المستشفى وهو مش بياخد أي حاجة من الحاجات دي.. وأنا مش طالب غير إن الناس كلها تدعيله يقوم بالسلامة لأن الأمل بسيط.