مصرع شاب على يد عاطلين بالإسكندرية.. ووالدة الضحية: موتوه عشان كان بيفض خناقة بينهم | بث مباشر
شهدت محافظة الإسكندرية واقعة مأساوية ومؤسفة، حيث لقي شاب يدعى إبراهيم محمد مصرعه على يد مجموعة من العاطلين الذين تعدوا عليه بالضرب وأنهى أحدهم حياته بعدما سدد له طعنة نافذة في الصدر أودت بحياته على الفور.
مصرع شاب على يد عاطلين في الإسكندرية
وقالت والدة المجني عليه إن تفاصيل الواقعة تعود إلى يوم الأحد الماضي، حيث كان نجلها متواجدًا في مصدر رزقه وهو كشك لبيع السجائر وغيره، وفوجئ بنشوب مشاجرة بين المتهمين.
وواصلت: ابني كان قاعد بيشتغل ولقى المتهمين بيتخانقوا مع بعض في الشارع.. وللأسف هما معروفين في المنطقة بسمعتهم اللي مش كويسة.. وابني لما سمع صوت الخناقة راح لهم عشان يفض بينهم مش أكتر يعني هو مش طرف في الموضوع.
وأضافت والدة المجني عليه أن نجلها كان يتحدث مع أحد المتهمين ويعاتبه في محاولة منه لفض المشاجرة، إلا أنه فوجئ بتعديه عليه والبقية بالضرب، ثم أشهر أحدهم سلاح أبيض مطواة وسدد له طعنة نافذة في الصدر أودت بحياته.
واختتمت: ابني كان بيتكلم معاهم عشان يفض الخناقة بينهم بس مسكوه ضربوه وواحد منهم طلع مطواة وطعنه في صدره خلص عليه.. ابني عمل إيه عشان يموت كده أنا مش عاوزة غير حقه عشان قلوبنا محروقة عليه.
