دفاع عصام صاصا بعد قبول الاستئناف على حبسه بقضية التزوير: موكلي مظلوم وبيوعد جمهوره إنه هيتغير| بث مباشر

أصدرت محكمة مستأنف جنايات الجيزة، اليوم الثلاثاء، قرارًا يفيد بقبول الاستئناف المقدم من مغني المهرجانات عصام صاصا وشقيقه، وذلك على الحكم الصادر ضدهما بحبسهما لمدة سنة، على خلفية اتهامهما بالتزوير في محرر رسمي مع إيقاف تنفيذ 3 سنوات.

قبول استئناف عصام صاصا وشقيقه على حبسهما بتهمة التزوير

وقال محامي عصام صاصا إن موكله مظلوم ولم يرتكب أي خطأ يتعلق بشأن هذه القضية واتهامه بالتزوير في محرر رسمي.

وتابع: عصام صاصا مظلوم كل اللي عمله إنه قال لأخوه يروح يستلم ورق مكانه ومضى وخلاص.. من اللي أنا شايفه على الورق إنه معملش حاجة غلط.

وأضاف محامي عصام صاصا أن موكله عانى من محنة كبيرة خلال الفترة الماضية، وزاد من عبء هذه المحنة كونه مشهورًا وله جمهور.

وواصل: عصام صاصا عانى من محنة كبيرة وهو لسه صغير.. فجأة عمل حادث تصادم ولقى نفسه متهم في جنايتين.. الوضع صعب وخصوصًا إنه واحد مشهور وله جمهوره.. والكلام اللي بيتقال عنه على السوشيال ميديا كان بيوصله وبيزعله.

وأوضح محامي عصام صاصا أن موكله أوصاه بأن يبلغ جمهوره أنه لن يرتكب أي خطأ وسيغير من نفسه بعد خروجه من محبسه.

واختتم حديثه قائلًا: عصام صاصا مظلوم واتغير كتير من بعد اللي حصله.. ووصاني أبلغ جمهوره إنه عمره ما هيغلط تاني وهيغير من نفسه.. عصام خايف على مستقبله لأنه شاب لسه في بداية حياته.. وأنا واثق إنه لما يخرج من السجن هيبقى إنسان تاني.