نفسيتها مدمرة.. والد كارما ضحية اعتداء مدرسة التجمع: كانت بتقول للبنت كفاية وهي بتضربها | فيديو
تحدث والد الطالبة كارما المصابة في واقعة تعدي زميلاتها عليها بالضرب داخل مدرسة شهيرة في التجمع الخامس، عن الإصابات التي تعرضت لها ابنته وحالتها النفسية إثر تلك الواقعة المأساوية.
والد كارما ضحية الاعتداء في مدرسة التجمع يكشف تفاصيل جديدة
وقال والد الطالبة كارما: الضرر النفسي اللي حصل لبنتي أكتر لأن دي حاجة سيئة.. مكنتش متخيل كلمة ضرر نفسي دي تبقى إيه لحد ما شوفتها في كارما.. بنتي بتتفزع وهي نايمة بليل.
وأضاف: الضرر الجسدي مؤلم لأن بنتي عندها كسر في الأنف وكدمات في جسمها وفروة رأسها فيها شبه تهتك بسبب شد شعرها.. للأسف أنا اللي وديت كارما المستشفى والموضوع كان مؤلم جدًا والمفروض كان يتم إسعافها وحد يحوش عنها.. كان فيه حاجات كتير المفروض تحصل.
وتابع والد الطالبة كارما: بنتي حكت على الضرب المبرح اللي تعرضت له وكانت بتقول للبنت كفاية في وسط الضرب وهي بتضربها.. الموضوع مؤلم جدًا.. وأنا متأكد إن القانون هيجيب حق بنتي، ولازم كلنا ناخد بالنا من ولادنا وتصرفاتهم وصحابهم ويبقى فيه تواصل أكتر ونزود عندهم القيم اللي اختفت، وأنا مبسوط من قرار وزارة التربية والتعليم لأنها تطرقت للناس اللي كانوا واقفين يتفرجوا على الواقعة.
