سيدة تلحق بزوجها بعد وفاته بـ3 أيام بالمنوفية.. ووالدتها: فرح بنتهم كان من 10 أيام | بث مباشر

اتشحت مدينة منوف التابعة إلى محافظة المنوفية بالسواد حزنًا على وفاة الحاج محمد زنفل وزوجته، حيث لحقت السيدة بزوجها بعد مرور 10 أيام فقط على احتفالهما بزفاف ابنتهما.

وفاة زوجين بعد زفاف ابنتهما في المنوفية

وقالت والدة الزوجة الراحلة إن الحاج محمد زنفل زوج ابنتها توفى منذ 3 أيام، أي بعد مرور أسبوع على زفاف ابنته، ثم لحقت به ابنتها التي رحلت عن عالمنا اليوم بشكل مفاجئ.

وأضافت: كنا صايمين امبارح أنا وهي، وبعد ما فطرنا قالتلي إنها هتروح عشان وراها حاجات في البيت عاوزة تعملها، وانهاردة الصبح لقيتهم بيخبطوا عليا وبيقولولي بنتك.. افتكرتها في المستشفى قالولي لأ دي ماتت.

وأشارت والدة الراحلة إلى أن ابنتها لم تكن تعاني من أي أمراض، ولم تشتكي من أي شيء في الأيام الأخيرة قبل وفاتها، مضيفة: بنتي ماتت من زعلها على جوزها.. وهي قاعدة معايا امبارح كان شكلها مضايق بقولها مالك يا بنتي قالتلي زعلانة يا ماما، وتاني يوم ماتت على طول ورا جوزها اللي لسه ميت من 3 أيام.. ملحقوش يفرحوا ببنتهم اللي لسه متجوزة من 10 أيام.