نقيب البيطريين يكشف تفاصيل افتراس أسد لحارسه بالفيوم: مفيش إهمال والواقعة قضاء وقدر| بث مباشر
كشف نقيب الأطباء البيطريين بالفيوم تفاصيل افتراس أسد حارسه ما أدى إلى وفاته، قائلًا، إن الأسد كان في الملعب الخاص به، والحارس جاي يفتح الباب علشان يدخل الأسد القفص لكن الباب علّق معاه، والحارس جاي ينزّل سلسلة الباب راح الباب واخده ونازل في ملعب الأسد.
وأضاف نقيب البيطريين: الباب تقيل جدا وخد الحارس ونزل ملعب الأسد وافترسه، وتم تصفية الأسد ومنتظرين قرار النيابة لدفن جثته.
وواصل نقيب البيطريين بالفيوم: أحب أطمن الناس اللي بتقول إن الأسد خرج بره الحديقة وأقولهم إن الأسد مخرجش بره وتم تصفيته جوه بيته.
واستكمل نقيب البيطريين: جثة الحارس كانت سليمة بعد الافتراس وحاولوا ينقذوه لكن لقي مصرعه إثر افتراس الأسد، ومفيش مسئولية تقع على أي حد ولا إهمال واللي حصل خطأ غير مقصود.
وأشار نقيب البيطريين بالفيوم إلى أنه سيتم غلق حديقة الحيوان لحين الانتهاء من التحقيقات في الواقعة، مضيفا: الأسد موجود في الحديقة بقاله 6 سنوات ودي أول واقعة له، والأسد مكانش جعان ودا طبيعته الافتراس.
