أحد منقذي صغار حريق كعابيش: ربنا اللي ألهمني أنقذهم ومخوفتش على نفسي | بث مباشر

كشف الشاب كريم أحد المنقذين في حادث نشوب حريق داخل شقة سكنية في منطقة كعابيش التابعة إلى فيصل في محافظة الجيزة، تفاصيل دوره الهام في إنقاذه حياة 3 أطفال وإخراجهم من الشقة محل الحريق.

أحد منقذي الصغار في حريق كعابيش يروي التفاصيل

وقال الشاب كريم إنه كان يمر بالصدفة من الشارع الذي يتواجد به العقار، ولاحظ تجمع عدد من المارة وتصاعد دخان من داخل شقة في الطابق الحادي عشر.

وتابع: كنت معدي بالصدفة الصبح لقيت ناس كتير متجمعة في الشارع.. بصيت فوق لقيت دخان طالع من شقة وشوفت طفلة واقفة في البلكونة.. طلعت الشقة في الدور الـ11 بس معرفتش أكسر الباب عشان أدخل أنقذهم.. وبعدها دخلنا الشقة اللي في الدور العاشر وطلعنا من البلكونة للشقة اللي فوق.

وأضاف الشاب كريم أنه وجد 3 أطفال داخل الشقة محل الحريق، بينهم 2 فقدا الوعي إثر الحادث وعلى الفور أنقذهم جميعهم رفقة عدد من الشباب كانوا رفقته لمساعدته.

وواصل: كان فيه 3 أطفال و2 منهم كان مغمى عليهم من الحريق.. محستش بنفسي وأنا بجري عشان أنقذهم ولا فكرت أخاف.. سبحان الله ربنا هو اللي ألهمني أعمل كده عشان أقدر أنقذ الأطفال دول.. وكفاية عليا دلوقتي إن الأطفال كويسين ووسط أهلهم.