والدة مرام أسامة ضحية زوجها رجل الأعمال في التحقيقات: قطعلها البلعوم ومزرهاش في المستشفى | بث مباشر

ما زال القاهرة 24 يواصل نشر تفاصيل قضية مرام أسامة، ضحية زوجها رجل الأعمال المتهم بالاعتداء عليها بالضرب داخل مسكنها في التجمع الخامس، ما تسبب لها في قطع في البلعوم، وحبسها داخل المنزل 5 أيام ورفض نقلها إلى المستشفى، وبعد نقلها كانت تأخرت حالتها الصحية وفشل الأطباء في إنقاذ حياتها، وتوفيت على إثر ذلك تاركة خلفها طفلين.

ومن جانبها قالت نوال، والدة مرام أسامة، أمام جهات التحقيق: اللي حصل أني عايشة أنا ووالد مرام في كندا ومرام كلمتني أنا ووالدها بتاريخ 2-11-2024 وقالتلي إن زوجها ضربها وأنها حاسة بألم في جسمها وصدرها وزورها ومش قادرة تتكلم، وقالتلي إن دا بسبب خناقة حصلت بينها وبين زوجها بس مقالتليش اللي حصل بالضبط في الخنافة.

وتابعت: في يوم اتصلنا بيها مردتش وكلمنا أنا ووالدها معتز زوج بنتي، وقالي إنها في مستشفى نسائم وهياخدها مستشفى السعودي الألماني، ولما سألناه فيه أيه في المستشفى قال إن عندها صديد في اللوز وأنه أخدها علشان يعملها فحوصات.

وأضافت: قالي ساعتها إن الحالة مستقرة ومكنش عايز يقولنا في الأول هي في مستشفى ايه وهو كان عمال يقول إنها مش مستاهلة وعندها حاجة بسيطة، لحد ما والدها اللي هو زوجي شد عليه في التليفون وقاله إنه هيبعتله أخوها يطمن عليها فقاله على مكان المستشفى، ولما نزلت من كندا كانت هي في مستشفى السعودي الألماني وحالتها صعبة، وببقت تبصلنا بس متتكلمش معانا وكان عندها كدمات في ايدها الاثنين وكان باين عليها التعب.

واستكملت: الدكاترة قالوا أن عندها قطع بالبلعوم، وعملولها كذا عملية وقالوا بعد العملية أن القطع كان كبير، وبعدين حالتها الصحية تدهورت، وتوفت إلى يوم 3 نوفمبر 2024 وأنا في المستشفى مشوفتش زوجها خالص بس دينا صاحبتها كانت موجودة وقالتلي إنها نزلت مع مرام يوم ما زوجها ضربها يوم 2-11-2024 اللي هي كلمتني فيه وقابلتها هي وواحدة صاحبتهم ثانية وراحت تاخذها من المستشفى علشان تقعد معاها لحد ما تحل مشكلتها.