محافظ الشرقية يسلم والدة فتاة العاشر شقة سكنية ومبلغ 10 آلاف جنيه | بث مباشر

سلم المهندس حازم الأشموني، محافظ الشرقية، قبل قليل، والدة الفتاة المعروفة إعلاميا بـ صغيرة الشرقية، شقة سكنية، ومبلغ يقدر بنحو 10 آلاف جنيه، وذلك بعد تعرض الطفلة الصغيرة إل واقعة اعتداء داخل أحد الحمامات العامة بمدينة العاشر من رمضان.

وكانت صرحت والدة الطفلة، والتي تعمل بائعة في سوق العاشر من رمضان، في تصريحات خاصة لـ القاهرة 24، أنها لا تعرف هذا الشخص، قائلة: وكنت في حالي وبنتي كمان، وفجأة حياتنا اتدمرت بسبب الإنسان ده، طلع متجوز وعنده عيال، ومع ذلك عمل فيها كده، ومحدش يقنعني أنه مريض.

محافظ الشرقية يسلم والدة فتاة العاشر شقة سكنية ومبلغ 10 آلاف جنيه

وأضافت والدة صغيرة العاشر من رمضان أنها علمت أن هذا الشخص متزوج ولديه أبناء، قائلة: سألت الجيران عنه، قالوا إنه طبيعي ومش مريض وملوش سوابق ومجوز بنته من كام شهر؟! لكن اللي عمله ده لا يغتفر.

وتابعت الأم: بنتي حالتها النفسية وحشة وتعبانة قوي، ومش عارفة أعمل لها إيه؟ وأول ما شفته قدامي بعد ما تعدى على بنتي ضربته بالشبشب وفضلت أصرخ، حسيت إن الدنيا بتسود في وشي.

وأوضحت والدة صغيرة العاشر من رمضان: بنتي دخلت الحمام، لقاها لوحدها، كتم نفسها وهددها وقال لها لو اتكلمتي هدبحك، ولما حاولت تصرخ كتم أنفاسها وتعدى عليها، ولولا الستات اللي كانوا داخلين بالصدفة، كان زمانها دلوقتي في مصيبة أكبر، وحتى الآن منتظرين تقرير الطب الشرعي علشان نعرف اللي حصل بالضبط.