صديق يوسف أحمد لاعب الكاراتيه المتوفى بعد 41 يومًا من الغيبوبة: عربية الإسعاف مكانتش مجهزة| بث مباشر
أعرب محمد هاني، عن حزنه الشديد لوفاة صديقه ورفيقه في نادي فيصل بالسويس، يوسف أحمد لاعب الكاراتيه، وذلك بعد مرور 41 يومًا على دخوله في غيبوبة بسبب ضربة تلقها في بطولة الجمهورية للكاراتيه.
وفاة لاعب الكاراتيه يوسف أحمد
وعن مشاركتهما في البطولة، كشف محمد هاني قائلًا: كنا مع بعض في البطولة وفي الماتش التالت يوسف أخد ضربة ووقع في الأرض ومحدش عرف يساعده.. وعربية الإسعاف مكنتش مجهزة ولا فيها تجهيزات.. وقعد فترة بدون أكسجين واصل للمخ لحد المستشفى.
وأضاف: كنت معاه في عربية الإسعاف وشيلت عنه الواقي والحزام.. مكانش في البطولة غير مسعف واحد بس..ومكانش فيه أطباء نهائي.. كنا بنلعب مع بعض في النادي ودايما بنشجع بعض وكان حلمه يجيب البطولة علشان يدخل منتخب مصر.. وكان بيحلم ياخد البطولة علشان يحقق حلمه بالالتحاق بإحدى الكليات.
