صاحب الميكروباص المحترق بطنطا: بيتي اتخرب وعيالي مستقبلهم ضاع.. ولسه عليا أقساط من تمنه | بث مباشر
كشف صبري صاحب الميكروباص المحترق في طنطا، تفاصيل حادث نشوب حريق في ميكروباص بمدينة طنطا جراء ماس كهربائي، قائلًا: بيتي اتخرب وعيالي مستقبلهم ضاع.
وقال عم صبري، إنه حمّل سيارته بالركاب وسار مسافة 50 مترًا بعد الموقف ثم تفاجأ بوجود دخان في السيارة، ليكتشف وجود ماس كهربائي في الدفيرة أدى إلى اشتعال النيران في الميكروباص وتفحمه بالكامل.
صاحب الميكروباص المحترق بطنطا يكشف التفاصيل
وأضاف: كل الركاب هربوا ومفيش حد اتصاب، والميكروباص اتفحم، وجايب الميكروباص من 3 سنين ولسه عليا أقساط، بسدد 5 آلاف جنيه كل شهر.
وتابع عم صبري أنه ينفق من الميكروباص الخاص به على أبنائه الـ5، وهو مصدر دخله الوحيد، مضيفًا: حاولت أطفي النار لكنها كلت كل حاجة، واللي حصل كله كان في لحظة ولحد دلوقتي أنا في ذهول ومش مصدق.. ونفسي في مصدر رزق تاني أسدد منه الأقساط اللي عليا وأصرف على ولادي.
وكانت تمكنت قوات الحماية المدنية بالغربية، من السيطرة على حريق نشب في ميكروباص بمحيط موقف العجيزي بدائرة قسم أول طنطا دون وقوع إصابات أو خسائر في الأرواح بسبب ماس كهربائي.
