علاء أبو الريش أشهر فناني الكف يعلن اعتزاله: برنامج قطايف كان دافع لي للبحث عن الفن الهادف| بث مباشر

أعلن فنان الكف الشعبي الشهير علاء أبو الريش، ابن مركز إسنا جنوب محافظة الأقصر، اعتزال إحياء ليالي الكف نهائيًا، معلنًا بذلك نهاية مرحلة فنية طويلة، وبداية طريق جديد يسعى من خلاله لتقديم فن هادف وراقٍ، على حد وصفه.

وقال علاء أبو الريش، لـ القاهرة 24: كانت رحلة طويلة مليانة بالخير والشر خضناها في ليالي وأفراح، وفي اللي رفضها وفي اللي إيدها.

وأضاف علاء أبو الريش: الحمد لله ربنا منّ عليا آخد قرار إنه من اليوم ممنوع نهائيا إحياء أي ليالي كفّ، وربنا يثبتني ويغفرلنا اللي عملته، ومش معنى كدا إنه حرام، لا دا اعتقاد شخصي.

واستكمل علاء أبو الريش: السبب في اعتزالي اتنين، أولهم رؤية في المنام، والسبب التاني والرئيسي هو تأثري ببرنامج قطايف للفنان سامح حسين، هو اللي خلاني أبحث عن الفن الهادف.

واستكمل علاء أبو الريش: اعتزلت ليالي الكف لأنها تحولت من ساحة للإبداع إلى ساحة لبيع الخمور والمخدرات.. وربنا يثبتني على قراري، وبتمنى تدعموني وتساعدوني.. وبشكر الفنان سامح حسين على برنامجه قطايف، اللي صحى فينا القيم والأخلاق وكان سبب في اعتزالي.. وبشكر الرئيس السيسي لدعمه لكل فنان مبدع مفكر.