ضحية الصفع على يد زميلها في مطعم بمدينة نصر: ضربني عشان افتكر إني بتكلم عليه وحش | بث مباشر
كشفت الفتاة التي تعرضت للصفع على يد زميلها في العمل داخل مطعم في منطقة مدينة نصر بالقاهرة، تفاصيل الواقعة عقب انتشار مقطع فيديو لها عبر مواقع التواصل الاجتماعي في الفترة الأخيرة.
شاب يصفع زميلته داخل مطعم في مدينة نصر
وقالت ضحية الصفع إنه تجمعها علاقة عمل بزميلها الذي تعدى عليها بالصفع على وجهها، ولا يوجد أي شيء بينهما خارج إطار العمل.
وتابعت: إحنا كنا بنشتغل مع بعض عادي ومافيش أي حاجة بينا، إحنا زمايل شغل فقط ومافيش أي حاجة بيني وبينه خارج إطار شغلنا، عاملة النظافة في المطعم كانت جايبة له واحدة عشان يخطبها، ويوم الواقعة هو كان المفروض واخد إجازة عشان يروح يتقدم، لكن حصل اللي شوفتوه في الفيديو وهو ضربني بالقلم.
وأضافت ضحية الصفع أنها لم تكن تعلم سبب صفع زميلها لها، وانتظرت حتى انتهت من عملها ثم توجهت إلى قسم الشرطة وحررت محضر ضده بالواقعة.
واستكملت: سألتهم في المطعم أنا عملت إيه عشان يضربني بالقلم، قالوا لي إني قولت لعاملة النظافة إنه مش محترم وبتاع بنات، أنا مقولتش الكلام ده وواجهت عاملة النظافة وأكدت إني مقولتش عنه كده، متكلمتش عنه كلمة وإحنا مجرد زمايل في الشغل فقط.
وأوضحت الفتاة أن زميلها معروف عنه بين العاملين في المطعم أنه ينفعل بسهولة على أقل الأسباب ويفتعل مشاكل معهم، مختتمة: هو معروف في المطعم إنه مش كويس واتخانق معايا قبل كده وشتمني.
