مشجع مالية كفر الزيات صاحب واقعة التشجيع غير اللائق: حياتي اتدمرت.. وكنت فرحان بالفوز| بث مباشر
أثار أحد جماهير فريق مالية كفر الزيات، حالة كبيرة من الجدل في الآونة الأخيرة، عقب تداول مقطع فيديو له خلال قيامه بتصرفات غير لائقة، في أثناء حضوره مباراة فريقه أمام تلا.
مشجع مالية كفر الزيات: مقصدتش الإساءة وكنت فرحان بفوز فريقي
وقال مشجع مالية كفر الزيات: أنا حياتي اتدمرت عشان كنت بشجع وفرحان بفرقتي اللي كسبانة، بنتي اتبرت مني والدنيا كلها اتقلبت عليا، وكل ده عشان كنت بشجع فرقتي وقلعت هدومي.
وأضاف أنه يحرص على حضور مباريات فريق مالية كفر الزيات بشكل دائم، حيث يكون متحمسًا بشكل كبير ويشجع فريقه بكل محبة وإخلاص ودعم.
واستكمل: أنا على طول بحضر مباريات مالية كفر الزيات لأن ده فريقي وبحبه، ومكنتش مصدق نفسي لما سجلنا أول هدف وبعدين التاني قدام تلا، ولما سجلنا باقي الأهداف لحد الهدف الخامس فكنت فرحان وخصوصًا إننا كنا بنلعب قدام فريق قوي.
وأوضح مشجع مالية كفر الزيات أنه لم يُسيء لأي شخص أو يقصد الإساءة بأي شكل من الأشكال خلال تشجيعه فريقه من المدرجات، قائلًا: أنا كل غلطتي بس إني قلعت الجلابية بتاعتي وفي لحظة مكنتش واعي فيها من كتر فرحتي بالفوز.
واختتم حديثه: الناس اللي صوروني ونزلوا الفيديو على السوشيال ميديا هدفهم يعملوا فلوس وتريند من ورايا، وأنا راجل شغال على دراعي ومعملتش حاجة غير إني كنت فرحان بالفريق بتاعي.
