والد كارما ضحية مشاجرة مدرسة التجمع: بنتي اتشوهت واللي ضربوها رجعوا للمدرسة| بث مباشر

كشف أحمد، والد الطالبة كارما، ضحية مشاجرة مدرسة التجمع، تفاصيل جديدة عن الواقعة، حيث قال إنه على مدار الـ 4 شهور الماضية ابنته هي التي تم عقابها، وما زالت تُعالج لدى طبيب نفسي، حيث أثرت الواقعة على حالتها النفسية كثيرا.

وأضاف والد الطالبة كارما: البنات اللي ضربوها حضروا الامتحانات ورجعوا المدرسة عادي، وبنتي هي اللي اتشوهت وبتتعالج عند طبيب نفسي.

وتابع والد الطالبة كارما أن ابنته وصلت لحالة سيئة من الألم النفسي، وأن ابنته تعاني من مشاكل في التنفس بسبب الواقعة، وكل فترة تتعرض لنزيف من الأنف، مضيفا: البنات عملوا لبنتي عاهة مستديمة وأنا كأب نفسي بنتي ترتاح وترجع طبيعية تاني.

وأضاف والد الطالبة كارما: مستحيل أتهاون في حق بنتي أو أتنازل عن حقها، ومش حاسس بأي تأنيب ضمير من ناحية البنت اللي عملت في بنتي كدا.. البنت بتمارس حياتها عادي وبتتفسح وبتخرج كأنها معملتش حاجة.

واستكمل: كنت منتظر هي وأهلها يحسوا بالذنب وتأنيب الضمير من ناحية بنتي ويقدموا اعتذار لكن معملوش كدا وشايفين إن اللي حصل عادي.. والألم النفسي اللي بتمر به بنتي كبير ومأثر جدا عليها.