والد الشاب المقتول على يد أب ونجله في بنها: خلصوا عليه عشان كان بيدافع عن بنت عمه | بث مباشر
شهدت قرية مرصفا التابعة إلى مركز بنها في محافظة القليوبية، واقعة صادمة ومأساوية، إذ لقي شاب يدعى سمير مصرعه على يد أب ونجله؛ وذلك بسبب دفاعه عن ابنة عمه فتعديا عليه بواسطة أسلحة بيضاء، مما أدى ذلك إلى وفاته متأثرًا بإصابته.
مقتل شاب على يد أب ونجله في بنها
وقال والد المجني عليه إنه كان موجودًا في المنزل وفوجئ بأحد الأشخاص يخبره أن نجله يتشاجر مع آخرين، وعلى الفور انتقل إلى محل الواقعة للاطمئنان على نجله.
وأكمل والد المجني عليه: كنت في البيت وحد كلمني قالي الحق ابنك بيتخانق في الشارع، روحت بسرعة لقيت ابني مضروب ومتبهدل، بسأله حصل إيه قالي إن فيه واحد كان بيعاكس بنت عمه فاتخانق معاه، فروحت أعاتب الشاب ووالده هما الاتنين ضربوني وبهدلوني، وبعدها خدت ابني ومشيت ولما إخواته عرفوا خدوه وراحوا لوالد المتهم عشان يعاتبوه.
وأوضح والد المجني عليه أن الأب ونجله المتهمين تعديا بالضرب بواسطة أسلحة بيضاء على أبنائه عندما توجهوا من أجل معاتبهم، مما أدى ذلك إلى وفاة نجله وإصابة آخر ونقله للعناية المركزة.
وواصل والد المجني عليه: المتهمين ضربوا عيالي كلهم ومنهم ابني حبيبي اللي خلصوا عليه، أنا راجل عاجز وعندي بتر في رجلي وابني كان سندي في الدنيا، ابني مات والتاني في العناية المركزة وحالته صعبة، ومش عاوز غير حق ابني اللي راح عشان ناري تبرد.
