شقيقة سلمى ضحية العنف الزوجي بالغربة: جوزها هددها بتلفيق قضية دعارة ورمت نفسها من الدور التاني بسببه | بث مباشر
كشفت منار شقيقة سلمى السطوحي، تفاصيل تعرضها للعنف الزوجي وإصابتها بسكري الحمل نتيجة معاناتها من الضغط الشديد؛ وذلك بسبب معاملة زوجها القاسية والعنيفة لها، والتي دفعتها في نهاية الأمر للقفز من الطابق الثاني في محاولة منها لإنهاء حياتها.
شقيقة سلمى السطوحي تكشف تفاصيل إلقائها بنفسها من الطابق الثاني
وقالت شقيقة سلمى السطوحي إن شقيقتها تزوجت منذ 3 سنوات، ثم سافرت للخارج مع زوجها نظرًا لظروف عمله.
وتابعت: أختي في أي مشكلة مع زوجها كان بيطلب منها تمضي تنازل عن حقوقها، جالها سكر في الحمل التاني بسبب الضغط اللي عايشة فيه، ولما جالها الطلق وداها المستشفى وسابها تولد لوحدها ومكنش بيسأل فيها، وكمان لما روحت البيت سابها لوحدها مع العيال وكان بيضغط عليها، كان بيقولها أنا متجوزك عشان أنتقم منك إنتي وأهلك، وكان بيفصل عنها النت طول اليوم وبيخليها تكلمنا لمدة ساعة بس.
وأضافت شقيقة سلمى السطوحي أن أختها اشتكت لهم من زوجها وعند علمه بذلك تعدى عليها بالضرب وأهانها، معلقة: حاولنا نكلمه عشان نعاتبه قال لنا هو ده اللي عندي.
وأوضحت أن شقيقتها طلبت من زوجها أن يتركها تسافر إلى مصر ويأخذ أبنائه حتى لا يمنعها من السفر، إلا أنه تعدى عليها بالضرب وهددها بتفليق قضية دعارة لها لإسقاط حضانة الأولاد عنها.
واختتمت حديثها: أختي فجأة بعتت لنا رسالة قالت هتوحشوني، وبعدين رمت نفسها من الدور التاني، هي عندها كسور في جسمها ودماغها مفتوحة، ولحد دلوقتي مش في وعيها وفاكرة إنها ميتة وبتتحاسب.
