أب يشعل النار في ابنته بكفر الشيخ.. والأم: نفسي يولع زي ما ولّع في بنتي

شهدت محافظة كفر الشيخ، واقعة حرق اب لابنته حية باستخدام جركن من البنزين داخل منزلهم.

تروي الأم والدة الضحية، القصة قائلة: دخل على البنت من بابا الدوار، وقالتله أنت إيه اللي جابك هنا.. جاي تولع في البيت ثاني، قالها لا أنا جاي أولع فيكي أنتي، ودلق عليها جركن البنزين وولّع فيها.

أضافت الأم أن الفتاة حاولت الهروب، لكنه أمسك بها وضربها على رأسها 3 مرات، وعندما سمع الناس صوت شجارهم، توجهوا إليه لكنه ترك المنزل وهرب من أعلى السطح، وألقت الفتاة بنفسها في الترعة الموجودة أمام المنزل لتخمد النيران المُشتعلة في جسدها، وعلى الفور تم نقلها إلى المستشفى.

أوضحت أنه كان هناك مُشادة كلامية حدثت بين الفتاة وبين والدها قبل الواقعة، وأن هذه ليست المرة الأولى التي يحرق فيها المنزل، قائلة: ولّع في البيت قبل كده عشان كان عاوز يأخد العيال وهما مرضيوش، ولما خدتهم وروحت عند أختي بردوا جالنا هناك، وكان عاوز يولع في بيتها.

طالبت الأم بمُعاقبة الوالد الجاني بالشنق، وقالت: نفسي يولع زي ما ولع في بنتي، أنا مش عايزة أشوفه ثاني على وش الدنيا، عشان هو لو طلع هيولع فينا وفي البيت، وهو مهددنا إنه هيقتل إبني.