بقالي 7 سنين بتضرب قدام بنتي الصغيرة.. زوجة تستغيث من اعتداء زوجها
قالت زوجة بإحدى سكان سيدي بشر، بمحافظة الاسكندرية إنها تستغيث بسبب ضرب زوجها لها يوميا، ويحرمها من مصروف البيت، حيث تقول إنها متزوجة منذ 7 سنوات ولم تعش حياة مستقرة معه خلال تلك الفترة.
أضافت الزوجة إلى حديثها قائله: المشاكل بقالها 10 شهور، كنت رافعه عليه محضر، وطلع منه بغرامة 200 جنيه واتصل عليا قالي قوليلي مبروك وطلعت بـ 200 جنيه.
وأكدت: ضربني ومعايا الفيديو وفي فيديو وانا ماشيه داخله البيت طلع جري ورايا وضربني وقالوا زي ما ضربتك المرة دي هضربك تاني وبقالي 7 سنين كل يوم بتضرب وبنتي كل يوم بتشوف في المنظر ده ولما بيغمى عليا هي اللي بتفوقني وهي عندها 6 سنين لسة طفلة ليه تشوف المنظر دا.
واختتمت حديثها: لما كنا عايشين مع بعض مكنش عايش معانا وطبعا هو اصلا مهمل في بيته ومبيصرفش على عياله وطردنا من البيت بقالنا 3 شهور ومش بيصرف على العيال ولا حتى بيسأل عليهم، واعتدى عليا تاني ومعايا فيديو تاني اتهجم عليا انا وماما وشتمني شتائم وحشه جدا وانا مردتش اعمله محضر قلت عشان خاطر البنات لكن جه امبارح وضربني وانا مش هسيب حقي تاني لان انا سكت، أنا عاوزة القضاء يجيبلي حقي.
