أم يوسف تتحدى ظروفها: الشغل على التوكتوك بهدلة ونفسي في عربية

استطاعت السيدة أم يوسف، 48 عاما، أن تتحدى ظروفها المعيشية، وتخرج للعمل على توكتوك لتحسين ظروفها المعيشية.

وقالت أم يوسف، إنها تعمل على التوكتوك منذ 7 سنوات، وإن ابنها الصغير كان يعمل عليه قبلها، ولكنها تعلمت منه السواقة وبدأت بالعمل بدلا منه حتى يستطيع هو الاهتمام بدراسته.

وأضافت السيدة: أنا بشتغل على التوكتوك بقالي 7 سنين ولسه لحد دلوقتي الناس لما تشوفني بتتفاجأ، والناس كلهم بيشجعوني دايما، ولكن هناك بعض الزبائن بيقابلوني ويضايقوني فبنزلهم بسرعة.

وتابعت سائقة التوكتوك: أنا نفسي في عربية عشان أقدر أشتغل عليها بدل التوك توك، لأن الشغل على التوكتوك بهدلة.

وأشارت أم يوسف إلى أن لديها 3 أبناء، إحداهما في الجامعة، والثانية حصلت على دبلوم صناعي، والآخر بالثانوية العامة.

وأوضحت أم يوسف، أنها تبدأ يومها من الساعة الثامنة صباحا حتى العاشرة ليلا، وذلك حتى تستطيع إعالة أبنائهم وتعليمهم، مضيفة: أنا بحب الشغل ومبحبش قاعدة البيت، وعيالي أنا اللي بعولهم، لأن والدهم لديه مشاكل صحية.