الجمعة 29 مارس 2024
المشرف العام
محمود المملوك
رئيس التحرير
مروان قراعة
المشرف العام
محمود المملوك
رئيس التحرير
مروان قراعة

شقيق ضحية حادث قطع الرأس بالإسماعيلية: القاتل كان في مصحة بيتعالج من المخدرات

قال شقيق المواطن المقتول بالإسماعيلية على يد جاره، وذلك بعدما قطع رأسه وتجول به في شوارع الإسماعيلية، إن القاتل كان يعمل لديهم، وكان في مصحة يعالج من المخدرات، وخرج منذ شهرين.

مضيفا: جالي أول امبارح وقالي يا عم حسن أنا عايز أرجع الشغل تاني بعد ما تعافيت.

وقال أحد شهود العيان إنه رأى واقعة قتل الإسماعيلية، ورأى القاتل وهو يقطع رأسه، مضيفا: شوفته لقيته ماسك سنجة في إيده وعمال يضرب فيه وهو مرمي في الأرض وميت، وبعد كدا قطع رأسه ومسكها بإيده.

وأضاف ابن خال المواطن المقتول بالإسماعيلية: عمره ما أذى حد، واللي كان بيشتمه كان بيقوله شكرا ويمشي، كان طيب جدا، وعمرنا ما شوفنا منه حاجة وحشة.

وقال محمد ابن شقيق المجني عليه: لديه 7 أبناء، منهم بنتان متزوجتان، وتلقيت الخبر عن طريق ناس كلموني قالولي الحق عمك بيدبح في شارع البحري طنطا، وروحت هناك لقيته مدبوح.

وأضاف شقيق: عرفنا بعدين الشخص اللي قتله، وهو بيبيع سمك في حي السلام، واسمه عبدالرحمن، وعمي عمر ما حد اشتكى منه القاتل كان شغال مع عمي التاني في حي السلام، مضيفا: القاتل لازم يتعدم عشان يكون عبره لأي حد تاني.

وشهدت منطقة شارع البحري بمحافظة الإسماعيلية، جريمة قتل بشعة، حيث أقدم شاب على ذبح جاره، وقطع رأسه وتجول بها في الشوارع، وسط حالة من الذهول والرعب بين جميع المواطنين بالمنطقة.